Դոշաբն արևելյան քաղցր ու նրբահամ աղանդեր է, որը պատրաստվում է սպիտակ թթենու պտուղներից, խաղողից, ծիրանից, նռից (նռան օշարակ, նարշարաբ) և որոշ այլ պտուղներից՝ առանց շաքարի հավելման, և եփվում մինչև մեղրի պես թանձր ու մուգ գույնի զանգվածի վերածվելը: Թթի դոշաբը օժտված է  բուժիչ հատկություններով: Ավանդական բժշկության մեջ այն կիրառվում է որպես հազի համար նախատեսված օշարակ և որպես բնական հակաբիոտիկ միջոց մրսածության դեմ: Խաղողի դոշաբով պատրաստում են նաև թերմոն (եռացրած գինի) և շարոց քաղցրավենի (ալանի, սուջուխ և այլն)։